يابنى احنا بنشترى راجل

انا فتاة رومانسية وارغب فى الزواج من شاب مثقف وطيب وحنون
ارغب فى الزواج من شاب يقدس الحياة الزوجية ويخاف الله في
اريد شاب رومانسى ووسيم وطيب وحسن الخلق وراجل ومكافح

طبعا دى معظم رغبات البنات لما يتكلمو على العريس انما الحقيقه حاجه تانيه خاالص


تعالو نشوف
الاول اى عريس بيتسال 3 اسئله بس قبل كل سؤال بيتقال الجمله المشهوره

(((((((احنا بنشترى راجل)))))))))
السؤال الاول ها يا حبيبى عندك شقه
طبعا لو كانت اجابتك لاء يبقى انته خدت الكارت الاحمر ولو هتسكن ايجار جديد يبقى بره من اولها
ولو عندك ايجار قديم فالحج حيرفض لان عاوز بنت تسكن فى تمليك علشان المستقبل
ويا سلام يابن المحظوظه لو كنت عندك تمليك يبقى نجحت فى السؤال الاول بس ربنا يستر و الشقه تعجب حماتك وتكون ستايل
السؤال التانى بتشتغل ايه؟؟؟

طبعا لو شغل حر فى محل مثلا او بتلف كمندوب مبيعات فكده الموقف اتازم وابو العروسه حيحط الرجل على الرجل وهيقولك لاء عاوز حاجه ثابته حكومه علشان المستقبل والمعاش ومرتب ثابت

وطبعا لو كنت حكومه فبالتالى بتاخد كام وطبعا حيطلب منك انك تشتغل بعد الضهر علشان تكفى مصاريفك

السؤال التالت
حتتجوز امته
يعنى بالكتير سنه ولا 2
علشان الجيران والكلام
ده الحج
اماااااا الحجه
فتمسكك وتسلخك يا حلو حتعمل الخطوبه فين؟؟
طيب هى عاوزه فستان جديد
والشبكه يا حماده دى حبيبتك بقى ومش حوصيك عليها وعاوزه افرح بيها

وعوزه وعوزه وعوزه
وفى الاخر تتفق على انك زى الراجل الطيب تكتب قايمه بكل العفش والاجهزه وبعد
كده تكتب مؤخر
يعنى م الاخر بيتنصب عليك رسمى ونرجع ونقول احنا بنشترى راجل

فين بقى الراجل اللى بتشتروا ؟؟؟؟؟؟؟